Pozicioni: “Përgjegjës Komunikimi” në Departamentin e Marrëdhënieve me Publikun dhe Marketingut për programin “Tirana European Youth Capital 2022” (Tirana, Kryeqyteti Europian i Rinisë për vitin  2022)

Vendi i punës: Tiranë

Kohëzgjatja e kontratës: 17 muaj

Kongresi Rinor Kombëtar mirëpret aplikimet për pozicionin e lirë Përgjegjës Komunikimi në Departamentin e Marrëdhënieve me Publikun dhe Marketingut për programin “Tirana European Youth Capital 2022”.

Data e shpalljes së pozicionit 19 Nëntor

Afati i fundit i dorëzimit të aplikimit: 26 Nëntor, ora 13:00

Adresa për dorëzimin e aplikimit: info@tiranaeyc2022.al  info@krk.al

Kongresi Rinor Kombëtar (National Youth Congress – NYC) është një organizatë ombrellë e të rinjve – një bashkim i organizatave rinore, grupeve joformale, forumeve rinore të partive politike, me qëllim shkëmbimin e informacionit, nxjerrjen në pah të çështjeve të të rinjve, lobimin dhe advokimin për zgjidhjen e këtyre çështjeve dhe ngritjen e kapaciteteve për të gjitha subjektet e përfshira në rrjet. NYC-ja u krijua në mars 2013 në Tiranë, me pjesëmarrjen e mbi 30 organizatave në nivel kombëtar.

Kongresi Rinor Kombëtar bashkon organizata të ndryshme në nivel kombëtar dhe rajonal, nga zonat rurale dhe urbane, organizatat studentore, degët e organizatave ndërkombëtare, forumet politike rinore dhe lloje të tjera shoqatash. Kongresi përfaqëson interesat e të rinjve në Shqipëri, pavarësisht pozicionit të tyre socio-ekonomik, gjinisë, racës, prejardhjes etnike dhe formimit kulturor, bindjeve politike dhe fetare, orientimit seksual, identitetit gjinor ose çdo forme tjetër dallimi.

Misioni ynë

Misioni i Kongresit Rinor Kombëtar është të mobilizojë organizatat rinore dhe të forcojë rolin e të rinjve në shoqëri. Të rinjtë në të gjithë Shqipërinë do të kenë një zë të përbashkët për të mbrojtur dhe lobuar për çështjet që i prekin ata.

“Tirana – European Youth Capital 2022”

Përmes aktiviteteve që do të organizohen, ky program synon të krijojë mundësi të reja, të sjellë ndryshime pozitive, të inkurajojë pjesëmarrjen aktive, të promovojë vullnetarizmin, të nxisë identitetin evropian, të mbrojë diversitetin dhe përfshirjen, të forcojë organizatat rinore, të rrisë investimet për të rinjtë, të përforcojë zërin në Evropë, të transformojë qytetin në një pikë ndërkombëtare takimi, si dhe të lidhë të rinjtë.

Përshkrimi i punës

• Përgjegjës për zhvillimin e strategjisë së marrëdhënieve me median;
• Përgatit dhe shpërndan në media mesazhet që synohet të arrihen përmes programit;
• Kontribuon në përditësimin e faqes së internetit dhe prezencën në mediat sociale;
• Koordinon të gjitha aktivitetet e marrëdhënieve me publikun;
• Krijon kontaktet me median, planifikon konferencat për shtyp si dhe aktivitetet e tjera mediatike;
• Përgatit njoftimet për shtyp dhe ia paraqet Menaxherit të Marrëdhënieve me Publikun dhe Marketingut;
• Organizon eventet sipas kalendarit të aktiviteteve të programit;
• Bashkëpunon ngushtë me të gjithë anëtarët e Departamentit të Marrëdhënieve me Publikun dhe Marketingut;
• Kryen detyra të tjera të ngarkuara nga Menaxheri i Marredhenieve me Publikun dhe Marketingun.

Kualifikimet dhe aftësitë e nevojshme:

• Diplomë Universitare në shkenca komunikimi, administrim biznesi, marketing shkenca sociale ose fusha të tjera të ngjashme;
• Mbi 3 vite eksperiencë profesionale në marrëdhëniet me publikun dhe gazetari, preferohet në media, OJF ose organizata ndërkombëtare;
• Eksperiencë pune me projekte të financuara nga donatorë vendas e të huaj;
• Eksperiencë dhe aftësi për të punuar në një mjedis dinamik dhe ndërkulturor;
• Njohuri të shkëlqyera të gjuhës angleze;
• Aftësi të shkëlqyera komunikimi dhe prezantimi.

Dokumentacioni:

• Letër interesi, ku aplikanti përshkruan arsyen e aplikimit;
• Jetëshkrim (CV) me foto personale;
• 2 letra reference nga punëdhënës të mëparshëm apo aktualë;
• Diplomat e lëshuara brenda vendit si edhe jashtë Republikës së Shqipërisë (kopje e skanuar);
• Dëshmi për kualifikime të ndryshme që përputhen me pozicionin e shpallur (kopje e skanuar);
• Dëshmi penaliteti ose vetëdeklarim mbi dëshminë e penalitetit;
• Dokument identifikimi.

Shënim:

Të gjitha aplikimet do të vlerësohen dhe do të njoftohen vetëm aplikantët të cilët plotësojnë kushtet dhe kërkesat e sipërpërmendura për të vazhduar më tej procesin e rekrutimit.

Konkurimi do të zhvillohet në dy faza:

• Shqyrtim paraprak i dokumentacionit të paraqitur;
• Intervistë e strukturuar me gojë.