Pozicioni: “Përgjegjës për Grantet” për programin “Tirana – European Youth Capital 2022” (Tirana – Kryeqyteti Europian i Rinisë për vitin 2022)

Vendi i punës: Tiranë

Kohëzgjatja e kontratës:  16 muaj

Kongresi Rinor Kombëtar mirëpret aplikimet për pozicionin e lirë “Përgjegjës për Grantet” për programin “Tirana European Youth Capital 2022”.

Data e shpalljes së pozicionit: 19 Nëntor

Afati i fundit i dorëzimit të aplikimit: 26 Nëntor, ora 13:00

Adresa për dorëzimin e aplikimit: info@tiranaeyc2022.al  info@krk.al

Kongresi Rinor Kombëtar (National Youth Congress – NYC) është një organizatë ombrellë e të rinjve – një bashkim i organizatave rinore, grupeve joformale, forumeve rinore të partive politike, me qëllim shkëmbimin e informacionit, nxjerrjen në pah të çështjeve të të rinjve, lobimin dhe advokimin për zgjidhjen e këtyre çështjeve dhe ngritjen e kapaciteteve për të gjitha subjektet e përfshira në rrjet. NYC-ja u krijua në mars 2013 në Tiranë, me pjesëmarrjen e mbi 30 organizatave në nivel kombëtar.

Kongresi Rinor Kombëtar bashkon organizata të ndryshme në nivel kombëtar dhe rajonal, nga zonat rurale dhe urbane, organizatat studentore, degët e organizatave ndërkombëtare, forumet politike rinore dhe lloje të tjera shoqatash. Kongresi përfaqëson interesat e të rinjve në Shqipëri, pavarësisht pozicionit të tyre socio-ekonomik, gjinisë, racës, prejardhjes etnike dhe formimit kulturor, bindjeve politike dhe fetare, orientimit seksual, identitetit gjinor ose çdo forme tjetër dallimi.

Misioni ynë

Misioni i Kongresit Rinor Kombëtar është të mobilizojë organizatat rinore dhe të forcojë rolin e të rinjve në shoqëri. Të rinjtë në të gjithë Shqipërinë do të kenë një zë të përbashkët për të mbrojtur dhe lobuar për çështjet që i prekin ata.

“Tirana – European Youth Capital 2022”

Përmes aktiviteteve që do të organizohen, ky program synon të krijojë mundësi të reja, të sjellë ndryshime pozitive, të inkurajojë pjesëmarrjen aktive, të promovojë vullnetarizmin, të nxisë identitetin evropian, të mbrojë diversitetin dhe përfshirjen, të forcojë organizatat rinore, të rrisë investimet për të rinjtë, të përforcojë zërin në Evropë, të transformojë qytetin në një pikë ndërkombëtare takimi, si dhe të lidhë të rinjtë.

Përshkrimi i punës

• Përgatit raportet dhe dokumentacionin e nevojshëm, për përdorim të brendshëm, për donatorët dhe për përdorim të përgjithshëm, lidhur me programin e granteve;
• Në bashkëpunim me Menaxherin e Financave, Drejtorin Ekezketuiv të Kongresit Rinor Kombëtar dhe CEO (Koordinatori i Përgjithshëm) Tirana EYC 2022, identifikon nevojat financiare dhe buxhetore të projekteve të reja, të cilat do të reflektohen në projekt-propozime;
• Krijon dhe mirëmban arkivën me raportet dhe materialet e nevojshme për aktivitetet e sektorit të granteve dhe projekteve të financuara prej tyre;
• Bashkëpunon në mënyrë të vazhdueshme me Drejtorin Ekzekutiv të Kongresit Rinor Kombëtar dhe CEO (Koordinatori i Përgjithshëm) Tirana EYC 2022 në lidhje me mundësitë e financimit të projekte-ideve të reja që do të dalin si domosdoshmëri përgjatë zbatimit të programit;
• Bashkëpunon në mënyrë të vazhdueshme me Përgjegjësin e Komunikimit, Përgjegjësin e Medias Sociale dhe Përgjegjësin e Marketingut për të siguruar prezantimin në media të projekteve të financuara nga grantet;
• Raporton dhe informon në mënyrë periodike tek Drejtori Ekezketuiv i Kongresit Rinor Kombëtar dhe CEO (Koordinatori i Përgjithshëm) Tirana EYC 2022 mbi ecurinë e aplikimeve të kryera për grante;
• Kryen detyra të tjera të ngarkuara nga Drejtori Ekezketuiv i Kongresit Rinor Kombëtar dhe CEO (Koordinatori i Përgjithshëm) Tirana EYC 2022.

Kualifikimet dhe aftësitë e nevojshme:

• Diplomë Universitare në shkenca ekonomike, shkenca sociale ose fusha të tjera të ngjashme;
• Mbi 4 vite eksperiencë profesionale, preferohet në një OJF/Organizatë Ndërkombëtare;
• Minimumi 2 vite eksperiencë në menaxhimin e granteve, preferohet për organizatat e shoqërise civile dhe atyre të rinisë, në një institucion ndërkombëtar grantesh;
• Eksperiencë pune me projekte të financuara nga donatorë vendas e të huaj;
• Eksperiencë në menaxhimin financiar të granteve;
• Aftësi shumë të mira planifikimi dhe për vendosjen e prioriteteve, përfshirë aftësinë për të menduar dhe vepruar në mënyrë strategjike;
• Njohuri shumë të mira të gjuhës angleze;
• Aftësi shumë të mira komunikimi dhe koordinimi.

Dokumentacioni:

• Letër interesi, ku aplikanti përshkruan arsyen e aplikimit;
• Jetëshkrim (CV) me foto personale;
• 2 letra reference nga punëdhënës të mëparshëm apo aktualë;
• Diplomat e lëshuara brenda vendit si edhe jashtë Republikës së Shqipërisë (kopje e skanuar);
• Dëshmi për kualifikime të ndryshme që përputhen me pozicionin e shpallur (kopje e skanuar);
• Dëshmi penaliteti ose vetëdeklarim mbi dëshminë e penalitetit;
• Dokument identifikimi.

Shënim:

Të gjitha aplikimet do të vlerësohen dhe do të njoftohen vetëm aplikantët të cilët plotësojnë kushtet dhe kërkesat e sipërpërmendura për të vazhduar më tej procesin e rekrutimit.

Konkurimi do të zhvillohet në dy faza:

• Shqyrtim paraprak i dokumentacionit të paraqitur;
• Intervistë e strukturuar me gojë.