THIRRJE E HAPUR
Shtyhet deri më 20 Tetor aplikimi për anëtarësimin e të rinjve në Bordin Këshillimor të Tirana Kryeqyteti Evropian i Rinisë 2022 (TEYC22)
Informacion
Kongresi Rinor Kombëtar bashkon organizata të ndryshme nga niveli kombëtar dhe rajonal, zona rurale dhe urbane, organizata studentore, degë të organizatave ndërkombëtare, forume politike rinore dhe lloje të tjera shoqatash. Kongresi përfaqëson interesat e të rinjve në Shqipëri, pavarësisht nga pozita e tyre socio-ekonomike, gjinia, raca, përkatësia etnike dhe kulturore, bindjet politike dhe fetare, orientimi seksual, identiteti gjinor apo çdo formë tjetër dallimi. Misioni i Kongresit Rinor Kombëtar është të mobilizojë organizatat rinore dhe të forcojë rolin e të rinjve në shoqëri nën një zë të përbashkët për të mbrojtur dhe lobuar për çështjet që i prekin ata.
Kongresi Rinor Kombëtar është duke zbatuar programin TEYC22. Si struktura zbatuese e këtij programi shpall thirrjen për aplikim anëtarësimi i të rinjve në Bordin Këshillimor të TEYC22 në përputhje me parashikim e bërë në Aplikimin për përfitimin e këtij Titulli (referuar më poshtë si Aplikimi) dhe aktet rregullatore të TEYC22.
Bordi Këshillimor është një organ i cili krijohet me synim përfshirjen vullnetare të të rinjve duke siguruar kanal komunikimi dhe këshillimi nga të rinjtë dhe strukturat që ato përfaqësojnë, për strukturën e menaxhimit të TEYC22.
Kategoritë që përfaqësohen në Bordin Këshillimor
Sipas parashikimit në Aplikim, Bordi Këshillimor duhet të jetë i përbërë me përfaqësues nga:
Kategoria 1- Keshillat Studentorë të Institucioneve të Arsimit të Lartë të vendosura në Bashkinë e Tiranës (3 anëtarë);
Kategoria 2- Qeveritë e Nxënësve nga gjimnazet në Bashkinë e Tiranës (3 anëtarë);
Kategoria 3- OSHC-të rinore/për të rinjtë, aktive në Tiranë (5 anëtarë);
Kategoria 5- OSHC-të rinore/për të rinjtë që përfaqësojnë grupe të margjinalizuara, aktive në Tiranë (3 anëtarë);
Kategoria 6- OSHC-të rinore/për të rinjtë në media dhe demokratizim, aktive në Tiranë (3 anëtarë)
Informacion mbi procedurën e aplikimit dhe të përzgjedhjes, dhe si të dërgoni aplikimin për antarësim: Lutemi të klikoni më poshtë për të lexuar thirrjen e detajuar.
