Ashtu si çdo vit, edhe këtë herë mbrëmja e së shtunës së fundit të Marsit i kushtohet shtëpisë tonë të përbashkët, Tokës.

Së bashku me mbi 3 miliardë njerëz dhe mijëra qytete të tjera në botë, “Tirana Kryeqyteti Evropian i Rinisë 2022”, Kongresi Rinor Kombëtar dhe Bashkia e Tiranës i bashkohet lëvizjes për Planetin Tokë, për të ardhmen tonë.

Këtë vit, Ora e Tokës vjen në një kohë kritike për njerëzit dhe një vend të lirë si Ukraina. Ndaj, në këtë ditë dhe lëvizje globale, të rinjtë në qytet u bashkuan në shenjë solidariteti për paqe në planetin Tokë në këtë periudhë të vështirë. Të rinjtë krijuan në shesh flamurin e Ukrainës me mbi 60 qirinj dhe me mbishkrimin “Peace for Ukraine”. Por jo vetëm kaq, në shesh u zhvilluan aktivitete të ndryshme për të rinjtë.

Nisma “Earth Hour” e ka zanafillën në 2007 në Sidnei dhe u propozua nga “World Wilde Life Fund”. Dhjetëra kryeqytete të botës iu bashkuan projektit duke fikur për një orë dritat në zyrat qeveritare apo pikat turistike dhe simbolet shtetërore.