KËRKESË PËR OFERTË
Lënda : Kërkesë për ofertë “Blerje aksesorë të personalizuar për COMEM-in, Ceremoninë e dhënies së Çmimit Kryeqyteti Evropian i rinisë 2025 dhe Eventin Përmbyllës të vitit TEYC2022 “Tirana Kryeqyteti Evropian i Rinisë 2022” nga Kongresi Rinor Kombëtar.
Drejtuar: Subjekteve të cilët, kanë si objekt të veprimtarisë së tyre tregtare, objektin e prokurimit.
Forumi Rinor Evropian është platforma më e madhe e organizatave rinore në Europë, e themeluar në vitin 1996, me përfaqësi prej 104 organizata rinore. Forumi Rinor Evropian punon për të fuqizuar të rinjtë për të marrë pjesë aktive në shoqëri për të përmirësuar jetën e tyre duke përfaqësuar dhe mbrojtur nevojat dhe interesat e tyre dhe ato të organizatave të tyre. Për të kapërcyer sfidat me të cilat ballafaqohen të rinjtë, Forumi Rinor Evropian ka tre qëllime kryesore të cilat janë: pjesëmarrje më e madhe e të rinjve, organizata të forta rinore dhe rritja e autonomisë dhe përfshirjes së rinisë.
Fitues i nismës Kryeqyteti Evropian i Rinisë 2022 është shpallur Kryeqyteti i Shqipërisë, Tirana.
Kryeqyteti Evropian i Rinisë 2022, me partnerët e tij, është duke vijuar me përgatitjet e nevojshme për të siguruar mbarëvajtjen e të gjitha aktiviteteve që do të zhvillohen përgjatë vitit të ardhshëm.
Kongresi Rinor Kombëtar, në kuadër të vijimit të projektit “Tirana Kryeqyteti Evropian i Rinisë 2022”, duke konsideruar eventet e mëdha të muajit nëntor dhe dhjetor ka nisur procedurën e prokurimit për ““Për blerje aksesorë të personalizuar për COMEM-in, Ceremoninë e dhënies së Çmimit Kryeqyteti Evropian i rinisë 2025 dhe Eventin Përmbyllës të vitit TEYC2022 “Tirana Kryeqyteti Evropian i Rinisë 2022”.
Artikujt që prokurohen janë sipas përcaktimeve në Aneksin 1.
DOKUMENTACIONI I KËRKUAR:
Të interesuarit duhet të dorëzojnë ofertën e tyre, së bashku me dokumentacionin si më poshtë:
- Kopje të Ekstraktit të Subjektit;
- Vërtetim që subjekti nuk ka detyrime të pa paguara;
- Ofertën ekonomike të ndarë sipas zërave të kërkesës dhe në total;
- Të japë të dhëna të sakta të personit të kontaktit.
Mosparaqitja e njërit prej dokumentave të kërkuar apo mosparaqitjes së motrave të mallit në datën dhe orën e caktuar, përbën kusht skualifikues.
Ofertuesi do të marrë përsipër edhe transportin e mallit pranë zyrave të KRK-së.
Logimi i artikujve do të bëhet me logon sipas aneksit nr.2, bashkëlidhur ftesës për ofertë.
Kohëzgjatja e Kontratës: Produktet do të dorëzohen bredna 10 ditëve nga nënshkrimi i kontratës.
DORËZIMI I DOKUMENTACIONIT:
Dokumentacioni mund të dorëzohet në dy forma:
- Dorëzimi fizik i dokumentave në një zarf të mbyllur, të firmosur dhe vulosur nga subjekti
aplikues, me mbishkrimin “Blerje artikuj promovuese për programin “Tirana Kryeqyteti Evropian i Rinisë 2022”, brenda të cilit ndodhen në zarf më vete dokumentat teknike dhe në zarf më vete oferta financiare.
Dorëzimi i dokumentacionit se bashku me një mostër për çdo artikull të kerkuar duhet të bëhet në adresën e mëposhtme:
Rruga “Dervish Hatixhe”, Pallati “Mozart”, Hyrja 1, Kati 1, Tiranë, Shqipëri..
- Elektronikisht në adresën elektronike prokurime@krk-teyc2022.al.
AFATI I DORËZIMIT TË OFERTAVE:
- Afati i fundit kohor për dorëzimin e ofertave dhe mostrave të secilit artikull të kërkuar do të jetë data: 09 Nëntor 2022, ora 12:00.
- Afati i fundit kohor për pyetje sqaruese do të jetë data: 08 Nëntor 2022, ora 16:00.
(Lutemi të kontaktoni në adresën elektronike prokurime@krk-teyc2022.al ).
HAPJA ZYRTARE E OFERTAVE:
Të gjithë ofertuesit janë të ftuar të marrin pjesë në procesin e hapjes zyrtare të ofertave:
Në datën: 09 Nëntor 2022, ora 14:00.
Në adresën: Rruga “Dervish Hatixhe”, Pallati “Mozart”, Hyrja 1, Kati 1, Tiranë, Shqipëri.
Ofertuesit duhet të jenë të pajisur me autorizimin përkatës nga kompania/ individi pjesëmarrës në proces dhe një mjet identifikimi, për të qenë prezent në hapjen e ofertave, si përfaqësues zyrtar i kompanisë/ individit.
Në rast se asnjë kompani/ individ nuk paraqitet në procesin e hapjes zyrtare të ofertave, procesi do të vijojë normalisht.
Duke ju falënderuar për bashkëpunimin, mbetemi në pritje të Ofertës suaj,
Kongresi Rinor Kombëtar në kuadër të TEYC2022.
