Barefoot Festival

Barefoot Festival është një eco-festival i muzikës, artit, natyrës, ushqimit vendas dhe edukimit mjedisor, që synon të nxisë e të vërë në lëvizje transformimin ekologjik afatgjatë të industrisë së argëtimit në Shqipëri. Festivali, i cili do të mbahet te Liqeni Artificial i Tiranës, zona më e gjelbëruara e qytetit, premton një atmosferë ku natyra dhe artet përqafohen në një përplasje valësh të bukura zanore, ku mundësohet dhe inkurajohet rilidhja me vetveten dhe mjedisin përreth dhe përvetësimi i njohurive të reja mbi qëndrueshmërinë mjedisore. Gjatë dy ditëve të festivalit do të organizohen workshope edukative inovatore, bashkëpunime artistike, ndarje përvojash e shkëmbime idesh, tinguj stimulues dhe energji pozitive.