Kongresi Rinor Kombëtar në bashkëpunim me Dhomën e Tregtisë dhe Industrisë në Tiranë në kuadër të titullit “Tirana Kryeqyteti Evropian i Rinisë 2022”, që prej datës 15 Mars e deri më 8 Prill do jenë pranë të gjithë të rinjve me panairin “Work and Study” në çdo qytet të Shqipërisë. Ky panair është një mundësi e shkëlqyer dhe unike për të rinjtë shqiptarë. I vizituar nga më shumë se 20,000 studentë dhe punëkërkues në të gjithë Shqipërinë, ky është edicioni i 14 i tij.

Të gjithë të rinjtë që duan të punësohen në kompanitë më të mira shqiptare mund të vizitojnë panairin “Work and Study”, i cili do të organizohet në datat dhe qytetet si më poshtë:

Dibër, 15 Mars – Pallati i Sportit

Kukës, 16 Mars – Ikri Jonuzi

Shkodër, 17 Mars – Pallati i Sportit

Lezhë, 18 Mars – Hotel Lissus

Durrës, 21 Mars – Pallati i Sportit

Berat, 23 Mars – Kalçeto Nardi

Fier, 24 Mars – Stadiumi i lojrave

Lushnje, 24 Mars – Kompleksi Sportiv

Vlorë, 25 Mars – Pallati i Sportit

Gjirokastër, 28Mars – Pallati i Sportit

Korçë, 29 Mars – Qendra e Fëmijëve

ogradec, 29 Mars – Shtëpia e Kulturës

Elbasan, 30 Mars – Sheshi para pallatit Sportit

Tiranë, 07-08 Prill – Muzeu Historik Kombëtar

Marrëveshja e nënshkruar në kuadër të titullit “Tirana, Kryeqyteti Evropian i Rinisë 2022” mes Dhomës së Tregtisë dhe Indutrisë Tiranë dhe Kongresit Rinor Kombëtar ka për qëllim të konsolidojë marrëdhëniet me të rinjtë, për t’i ndihmuar ata drejt arritjeve personale dhe profesionale në zhvillimin e kapaciteteve.

Drejtoresha Ekzekutive e Kongresit Rinor Kombëtar znj. Dafina Peci theksoi se kjo mundësi duhet të prekë çdo cep të Shqipërisë si një eksperiencë e mirë që do të avancojë projekte trategjike të përbashkëta në fushën e nxitjes së punësimit.