Në kuadër të “Tirana, Kryeqyteti Evropian i Rinisë 2022” dhe në bashkëpunim me Kongresin Rinor Kombëtar, Raiffeisen Bank organizoi Bootcamp Inovacioni me fokus ESG (Mjedis, Social, Qeverisje) dhe Qëndrueshmëri në datat 25 dhe 26 Maj.

Në ambientet e TEYC 2022 50 të rinj zhvilluan 48 orë kreative ku shfaqën idetë e tyre inovative, duke krijuar një eksperiencë fantastike për t’u mbajtur mend.

Drejtoresha e Kongresit Rinor Kombëtar, Dafina Peci dhe koordinatorja e titullit “Tirana, Kryeqyteti Evropian i Rinisë 2022”, Aspasjana Kongo shprehën mbështetjen e tyre për të rinjtë që pasion kanë inovacionin edhe në kuadër të një prej 8 programeve të TEYC 2022, “Rinia prodhon Ekonomi Krijuese dhe Novacion”.

Gjatë dy ditëve të rinjtë u ndanë në 10 skuadra ku çdo skuader kishte 1 trajner dhe një mentor. Në fund të Bootcamp-it, fitues u shpall skuadra me idenë numër 4, “Tiron Parking”, një aplikacion që është një alternativë për të paguar parkimin në rrugët e Tiranës.

Idetë inovative të të rinjve do të mbështeten dhe promovohen nga partnerët organizues të Bootcamp-it.