Asambleja e dhjetë e Përgjithshme e Kongresit Rinor Kombëtar do të mbahet më 23 dhjetor 2022.

Qëllimi kryesor i kësaj Asambleje është diskutimi dhe raportimi i punës së deritanishme, për t’u njohur me ecurinë e punës së organizatave të rrjetit si edhe për të promovuar arritjet e përbashkëta. Asambleja shërben gjithashtu si një pikëtakim për të punuar në adresimin e problemeve të hasura përgjatë vitit, për të diskutuar mbi vizionin strategjik dhe për të vazhduar me punën për hartimin e strategjisë të KRK. Në përfundim të Asamblesë do të mbahen edhe zgjedhjet vjetore për Bordin Drejtues të KRK.

Për arsye logjistike, edhe këtë vit, Asambleja e dhjetë e Përgjithshme e KRK do të zhvillohet në mënyrë hibride në platformën online ZOOM dhe votimet do të realizohen përmes një prej platformave më të sigurta (NemoVote).

Në mbledhjen e Asamblesë së Përgjithshme do të marrin pjesë të gjitha organizatat rinore, grupet joformale, universitetet, forumet rinore politike që janë pjesë e KRK-së, partnerë të rrjetit, dhe sekretariati.

Për çdo pyetje, ju lutemi na kontaktoni në adresën zyrtare të emailit: info@krk.al